გონებამახვილ და გაბედულ მოდებატეებს (ENTP) არ ეშინიათ სტატუს-კვოსთან დაპირისპირების. რეალურად, მათ არც არაფერთან და არავისთან დაპირისპირების არ ეშინიათ. ძალიან ცოტა რამ თუ ასხივოსნებს ხასიათის ამ ტიპის მქონე ადამიანებს ისე, როგორც ვერბალური კამათი და რაც უფრო ღრმავდება კამათი, მათთვის უკეთესია.

თუმცა შეცდომა იქნებოდა მოდებატეების მიჩნევა უსიამოვნო ან ბოროტ ადამიანებად. პირიქით, ხასიათის ამ ტიპის მქონე ადამიანები მცოდნეები, ცნობისმოყვარეები და კარგი იუმორის მქონეები არიან და მათთან გართობა შეიძლება წარმოუდგენლად სასიამოვნო აღმოჩნდეს. მათ უბრალოდ უცნაური, განსხვავებული წარმოდგენა აქვთ გართობაზე - მათთვის გართობაა ჯანსაღი დოზით ცხარე დებატები.

წესების დარღვევა

მიჰყევით საფრთხის შემცველ, დამოუკიდებელი მოაზროვნის გზას. გამოხატეთ თქვენი საკამათო იდეები.

მოდებატეები ცნობილები არიან თავიანთი მეამბოხის თვისებით. ხასიათის ამ ტიპის მქონე ადამიანისთვის არ არსებობს რწმენა, რომლის კითხვის ნიშნის ქვეშ დაყენებაც არ შეიძლება, არ არსებობს იდეა, რომელიც ზედმეტად ფუნდამენტურია იმისთვის, რომ დეტალურად იქნეს განხილული და არ არსებობს წესი, რომლელიც ზედმეტად მნიშვნელოვანია იმისათვის, რომ დაირღვეს ან მინიმუმ სიღრმისეულად შემოწმდეს. ზოგჯერ მოდებატეები საკუთარი რწმენის მიმართაც ამბოხდებიან საპირისპირო აზრის დაფიქსირებით – მხოლოდ იმ მიზნით, რომ სამყარო სხვა მხრიდან დაინახონ.

მოდებატეების გადმოსახედიდან, ადამიანების უმეტესობა მზადაა აკეთოს ის, რასაც ეუბნებიან და ბრმად მიჰყვეს სოციალურ ნორმებს, ზეწოლასა და სტანდარტებს. მოდებატეებს სიამოვნებთ მენტალური ვარჯიში, რომელიც უკავშირდება აზროვნების გავრცელებული მეთოდის ეჭვქვეშ დაყენებას და ისინი გარკვეულ სიამოვნებას იღებენ დაუფასებელი და გარიყული წევრების მნიშვნელოვნების გამოვლენით. მათი აქტიური გონებისთვის აუცილებელია იმ შეხედულებების გადაფასება, რომლებსაც სხვები ბუნებრივ მოცემულობად იღებენ და მათთვის ახალი, სწორი მიმართულებისკენ მითითება.

მიუხედავად იმისა, რომ მოდებატეებს უყვართ გონებრივი იერიში და მასშტაბურ დონეზე ფიქრი, ისინი ცდილობენ არ გამოიჭირონ იდეების განხორციელებისთვის განკუთვნილ „რთულ სამუშაო“ პროცესში. რაღაც დოზით, ეს ყველაფერი აზრს იძენს – მოდებატეებს ძალიან ბევრი აზრები და წინადადებები აქვს და რთულია მათზე თვალყურის დევნება, რომ არაფერი ვთქვათ მათ რეალობად ქცევაზე. თუმცა თუ არ განავითარებენ საკუთარი პრიორიტეტების ამოცნობისა დას მათი გაყოლის სურვილს, მათ შეიძლება გაუჭირდეთ სრული პოტენციალის რეალიზება.

კონტრარიანიზმის ფასი

მოდებატეების დებატების უნარი ლეგენდარულია, თუმცა ეს იმას არ ნიშნავს, რომ ეს ყოველთვის სასარგებლოა. როდესაც ისინი უფროსს ღიად აყენებენ ეჭქვეშ შეხვედრაზე ან აკრიტიკებენ ყველაფერს, რასაც მათი მეორე ნახევარი ამბობს, მათ შეიძლება იფიქრონ, რომ რაციონალურობისა და ლოგიკის ჩემპიონები არიან. თუმცა ამით შეიძლება საკუთარ წარმატებასა და ბედნიერებას ზიანი უფრო მოუტანონ, ვიდრე სარგებელი.

ყველა შემთხვევა არ იწვევს ხასიათის ამ ტიპის მქონე ადამიანის კონტრარიანიზმს. ადამიანთა უმეტესობა მხოლოდ რაღაც დონემდე იტანს მათი რწმენების ეჭვქვეშ დაყენებას და გრძნობების უგულებელყოფას. შედეგად მოდებატეებმა შეიძლება აღმოაჩინონ, რომ გართობის მიზნით წამოწყებულმა კამათმა ბევრი ურთიერთობა ან საქმე გააფუჭა, ხშირად უნებლიედ. მოდებატეებს პატივს სცემენ მათი ხედვის, თავდაჯერებულობის, ცოდნისა და კარგი იუმორის გრძნობის გამო – მაგრამ თუ ისინი არ გამოიმუშავებენ მცირეოდენ სენსიტიურობას, მათ შეიძლება გაუჭირდეთ ღრმა ურთიერთობების შენარჩუნება ან პროფესიული მიზნების მიღწევაც კი.

დროსთან ერთად, ბევრი მოდებატე აცნობიერებს, რომ მათი იდეალური ცხოვრება სხვა ადამიანებსაც მოიცავს და ზედმეტი ენერგიის დახარჯვა „მომგებიან“ არგუმენტებზე ნიშნავს, რომ ისინი კარგავენ იმ მხარდაჭერას, რომელიც სასურველი მიზნის მისაღწევად სჭირდებათ. კარგი ამბავი ისაა, რომ ხასიათის ამ ტიპის მქონე ადამიანები არასდროს კარგავენ მათ მკვეთრ არაკონფორმისტულ ზღვარს. მათ უბრალოდ შეუძლიათ გამოიყენონ კოგნიტური მოქნილობა იმისათვის, რომ გაიგონ და აღმოაჩინონ სხვა ადამიანების პერსპექტივები და ლოგიკასა და პროგრესთან ერთად აღიარონ განხილვისა და კომპრომისზე წასვლის ფასეულობა.