მინდოდა მეცხოვრა ცხოვრებით, სხვა ცხოვრებით. არ მინდოდა ყოველდღე ერთსა და იმავე ადგილას წავსულიყავი, ერთი და იგივე ხალხი მენახა და იგივე საქმე მეკეთებინა. მინდოდა საინტერესო გამოწვევები მქონოდა.

ვირტუოზებს (ISTP) უყვართ ხელებითა და თვალებით შესწავლა, მათ გარშემო არსებულ სამყაროსთან შეხება და მისი შესწავლა რაციონალურად და გამბედავი ცნობისმოყვარეობით. ასეთი ხასიათის მქონე ადამიანები ბუნებრივი შემქმნელები არიან, გადადიან პროექტიდან პროექტზე, ქმნიან რაღაც სასარგებლოს და ზედმეტს სიამოვნებისთვის და ასევე სწავლობენ მათ გარშემო არსებული სამყაროსგან. ხშირად მექანიკოს და ინჟინერ ვირტუოზებს დიდ სიხარულს ანიჭებთ ხელების გაჭუჭყიანება ნივთების დაშლითა და ერთმანეთთან დაკავშირებით, იმ იმედით, რომ იმაზე უკეთ ააწყობენ მათ, ვიდრე აქამდე იყო.

ვირტუოზები იდეებს იკვლევენ შექმნის, პრობლემების მოგვარების, გამოცდის, შეცდომისა და პირადი გამოცდილების მეშვეობით. მათ სიამოვნებთ სხვა ადამიანების დაინტერესება საკუთარი პროექტებით და ზოგჯერ მათ შემოერთებასაც ცდილობენ. რა თქმა უნდა, იმ პირობით, თუ ეს ხალხი არ ჩაერევა ვირტუოზების პრინციპებსა და თავისუფლებაში. ისინი მზად უნდა იყვნენ ვირტუოზებისთვის საპასუხო დახმარების გასაწევად.

ვირტუოზებს სიამოვნებთ ხელის გაწოდება და გამოცდილების გაზიარება, განსაკუთრებით იმ ადამიანებთან, რომლებიც აინტერესებთ და სამწუხაროა, რომ ისინი ასე იშვიათად გვხვდებიან და მოსახლეობის მხოლოდ ხუთ პროცენტს შეადგენენ. ვირტუოზი ქალები განსაკუთრებით იშვიათია და ტიპური გენდერული როლები, რომლებსაც საზოგადოება აწესებს, მათზე არ ვრცელდება - ისინი ხშირად პატარა ასაკიდანვე აღიქმებიან, როგორც ბიჭები.

გაბედე იყო განსხვავებული

მიუხედავად იმისა, რომ მათმა მექანიკურმა მიდრეკილებებმა შეიძლება ერთი შეხედვით მარტივებად წარმოაჩინონ ისინი, ვირტუოზები სინამდვილეში საკმაოდ იდუმალნი არიან. მეგობრულ, მაგრამ ძალიან ჩაკეტილ, მშვიდ, მაგრამ მოულოდნელად სპონტანურ ვირტუოზებს შეუძლიათ იყვნენ უკიდურესად ცნობისმოყვარე, მაგრამ ვერ ახერხებდნენ ფორმალურ სწავლებაზე ფოკუსირებას. ვირტუოზების პროგნოზირება შეძლება გამოწვევა იყოს მათი მეგობრებისა და ახლობლებისთვისაც კი. ვირტუოზები შეიძლება ცოტა ხნით ძალიან ლოიალურები და სტაბილურები ჩანდნენ, თუმცა ისინი შეიძლება ამ დროს ავითარებდნენ იმპულსური ენერგიის მარაგს, რომელიც ფეთქდება გაფრთხილების გარეშე და მათ ინტერესებს ახალი, თამამი მიმართულებებით მიმართავს.

ვირტუოზების გადაწყვეტილებები მომდინარეობს პრაქტიკული რეალიზმის შეგრძნებიდან. მათ გულებში სამართლიანობის ძლიერი შეგრძნება ბინადრობს - „მოიქეცი ისე, როგორც გინდა, რომ მოგექცნენ“ დამოკიდებულება ნამდვილად გვეხმარება ვირტუოზების მრავალი დამაბნეველი თვისების ახსნაში. იმის მაგივრად, რომ სიფრთხილე გამოიჩინონ და სხვებს ხელი არ შეუშალონ, რათა მათაც არ შეეშალოთ ხელი, ვირტუოზები მიდრეკილნი არიან ძალიან შორს შეტოპვისაკენ, და კარგ თუ ცუდ შურისძიებას სამართლიანად იღებენ.

ვირტუოზების ყველაზე დიდი პრობლემა ის არის, რომ ისინი ხშირად ძალიან ადრე მოქმედებენ, იღებენ რა თავიანთ დამთმობ ხასიათს მოცემულობად და მიაჩნიათ, რომ სხვებიც ასეთები არიან. ის არის პირველი, ვინც ამბობს არაგულისხმიერ ხუმრობას, ზედმეტად ერთვება სხვის პროექტში, კამათში და თამაშში, ან მოულოდნელად ცვლის გეგმებს, რადგან რაღაც უფრო საინტერესო აღმოაჩინა.

წესების დარღვევა

ვირტუოზები გააცნობიერებენ, რომ პიროვნების ბევრ სხვა ტიპს ბევრად უფრო მტკიცე საზღვრები აქვს გავლებული წესებთან და მისაღებ ქცევებთან დაკავშირებით, ვიდრე მათ - მათ არ სურთ არაგულისხმიერი ხუმრობის მოსმენა და, რა თქმა უნდა, არ შეეპასუხებიან და არ ჩაერთვებიან ხუმრობაში, თუნდაც მოიძებნებოდეს მოხალისე. თუ სიტუაცია უკვე ემოციურად დატვირთულია, ამ საზღვრების დარღვევამ შეიძლება საქმე უსიამოვნოდ შემოატრიალოს.

ვირტუოზებს განსაკუთრებით უჭირთ ემოციების პროგნოზირება, თუმცა ეს მათი სამართლიანობის ბუნებრივი გაგრძელებაა, იმის გათვალისწინებით, თუ რამდენად რთულია ვირტუოზის ემოციებისა და მოტივაციის შეფასება. თუმცა მათმა მიდრეკილებამ, გამოიკვლიონ ურთიერთობები თავიანთი ქმედებებით და არა თანაგრძნობით, კონკრეტრულ სიტუაციებში შეიძლება იმედგაცრუებები გამოიწვიოს. ვირტუოზის პიროვნების ტიპის ადამიანებს უჭირთ საზღვრებისა და მითითებების დაცვა და ამჯობინებენ გადაადგილებისა და წარმოსახვის თავისუფლებას.

ისეთი გარემოს პოვნა, სადაც მათ შეუძლიათ იმუშაონ მეგობრებთან, რომლებსაც ესმით მათი სტილის, არაპროგნოზირებადობის, კრეატიულობის, იუმორის გრძნობის და კონცენტრაციის მნიშვნელობა პრაქტიკული გადაწყვეტილებების მისაღებად, ვირტუოზებს მრავალი ბედნიერი წლის განმავლობაში სასარგებლო გარემოს შექმნისა და მათით გარედან აღფრთოვანების შესაძლებლობას მისცემს.