INFP shaxsiy tipi (Vositachi) vakili sifatida siz odatda har bir tuyg‘uni chuqur his qilasiz – faqat o‘zingiznikini emas, balki boshqalarnikini ham. Sizni dahshatga solayotgan o‘sha tadbirga taklifmi? Agar rad javobini bersangiz, do‘stingizning xafa bo‘lgan yuzini allaqachon tasavvur qilgansiz. Yuringizda yonayotgan o‘sha samimiy fikrchi? Uni aytish o‘rniga sukut saqlaysiz, chunki har qanday keskinlikdan qochishni afzal ko‘rasiz.
Sizning empatiyangiz – bu ham iqtidor, ham zaiflik manbai. Siz boshqalarning hissiyotlariga nihoyatda sezgir bo‘lib, ba'zida bu o‘zingizning ehtiyojlaringiz hisobiga bo‘ladi. “Yo‘q” deb aytmoqchi bo‘lganingizda aytilgan “ha”lar tagiga ko‘milgan istaklaringiz unutilgan bo‘lishi mumkin. Agar bu holat sizga tanish bo‘lsa, demak, ehtimol siz ko‘pincha odamlarni rozi qilish, ya’ni boshqalarning ehtiyojlarini o‘zingiznikidan ustun qo‘yish turog‘ida qolayotgan ekansiz.
Ushbu maqolada nega INFP shaxslar boshqalarga yoqishga intilish tuzog‘iga tez-tez tushib qolishlarini ko‘rib chiqamiz va siz qanday qilib o‘z ehtiyojlaringizni ikkinchi o‘ringa surmaslikni o‘rganishingiz mumkinligi hamda buning nega muhimligini tushuntirib beramiz.
INFP va boshqalarga yoqishga intilish haqida ushbu maqola kengroq tadqiqotning bir qismidir. “Boshqalarga yoqishga intilish va shaxsiyat: Nega boshqalarning ehtiyojlarini ustun qo‘yamiz?” nomli maqolamizda ko‘proq bilib oling.
INFP shaxsiyatidagi boshqalarga yoqishga intilish odatlarini tahlil qilish
INFPlarning shaxsiyati ijtimoiy munosabatlarda o‘ziga xos xususiyatlar majmuasini olib keladi va bu ko‘pincha ular boshqa odamlarga yoqishga harakat qilishga olib keladi.
Avval aytganimizdek, chuqur empatiya sizning yuragingizda yotadi va bu boshqalarning hissiyotlarini tanangizda his qilish imkonini beradi. Ularning hafsalasi pir bo‘lsa, siz ham xuddi shunday his qilasiz. Ularning quvonchi esa sizning olamingizni charog‘on qiladi. Ushbu hissiyotga uyg‘unlik sizni o‘zingizning ehtiyojlaringizni tiklamasdan turib, boshqalarning his-tuyg‘ularini himoya qilishga majbur etadi.
Shu boisdan, bizning “Boshqalarga yoqishga intilish” so‘rovi bo‘yicha, INFPlarning 83 foizi o‘zlari xohlamagan narsalar uchun ha deb aytishini tan olgan – faqat boshqalarni ranjitib qo‘ymaslik uchun.
Bu holat ayniqsa INFPlar potentsial mojaro bilan yuzma-yuz kelganda yaqqol ko‘rinadi. Qarama-qarshilik ehtimoli qalbingizda yuzlab eng yomon ssenariylarning paydo bo‘lishiga olib keladi. Ularning ro‘yobga chiqish xavfiga duch kelgandan ko‘ra, siz ko‘pincha sukut saqlash va boshqalar xohlagan yo‘l bilan borishni afzal ko‘rasiz.
Bizning tadqiqotlarimiz buni ham ochiq ko‘rsatib turibdi. INFP shaxsiyatlarining 88 foizi – bu barcha 16 shaxsiy tip ichida eng yuqori foiz – boshqalarni ranjitmaslik uchun haqiqiy his-tuyg‘ularini yashirib yurishini aytishgan.
Bu statistika INFPlar boshqalarning hissiy qulayligini o‘zini ifoda qilishdan ustun qo‘yishini aniq ko‘rsatadi. Siz o‘zingizning ichki fikr va tuyg‘ularingizni yashirib, ularni aytilmagan haqiqatlar koleksiyasiga qo‘shgan holatingizda o‘zingizni nisbatan erkinroq his qilishingiz mumkin. Ammo bu nimaga olib keladi?
Har bir INFP boshqalarga yoqishga intilish bilan kurashadi, ammo Notinch INFPlar (INFP-T) bu odatdan xalos bo‘lishda ayniqsa qiynaladilar. Bizning tadqiqotimizda keskin farq kuzatilgan: Notinch INFPlarning 88 foizi boshqalar ular haqida nima o‘ylashidan doimo xavotirda, xolos, Dadil INFPlar (INFP-A) esa bu ko‘rsatkich atigi 33 foizni tashkil etadi. Bu katta farq Notinch INFPlarning nega boshqalarning ehtiyojlarini birinchi o‘ringa qo‘yishga moyilroq bo‘lishini tushuntirib beradi.
Notinch INFPlar uchun boshqalar tomonidan yoqimsiz qabul qilinish xavfi tabiiy empatiya bilan qo‘shilib, boshqalarga yoqishga intensiv harakatga sabab bo‘ladi. Ularning kuchli o‘ziga shubha qilishi o‘z ehtiyojlaridan voz kechish orqali uyg‘unlikni saqlab qolishga olib keladi, o‘ta tanqidchanligi esa munosabatlar zo‘riqib ketgan chog‘larda, o‘zini aybdor his qilish va o‘zini ayblashga sabab bo‘ladi. Natijada, ular uchun odamlar roziligiga intilishni tark etish ancha murakkab kechadi, chunki har bir chegara belgilash urinishi ular kutayotgan ma’qullanishni xatarga qo‘yadi.
Boshqalarga yoqishga intilishdan qanday voz kechish mumkin
Ba’zida boshqalarni birinchi o‘ringa qo‘yish chin dildan bog‘lanish va qo‘llab-quvvatlashda chiroyli lahzalarni yaratadi. Ammo odamlar roziligiga intilish doimiy holatga aylansa, sizning eng muhim narsangiz ortga suriladi: o‘zingizni yaxshi tutishingiz.
Doimiy ravishda boshqalarga yoqishga harakat qilish charchashga, munosabatlarning yemirilishiga va o‘zingizni yo‘qotish hissiga olib keladi. Siz o‘zingizni ko‘rinmayotgandek sezgan holda do‘stlikni mexanik ravishda davom ettirishingiz, hayotingizni toqatingizni so‘rib oluvchi narsalarga rozilik berish bilan o‘tkazishingiz yoki boshqalar xohlaganiga asoslangan, o‘zaro hurmat va tushunishga emas, noto‘g‘ri asoslangan munosabatlar qurishingiz mumkin.
Boshqalarga yoqishga intilishni ortda tashlashga tayyormisiz? Keling, INFP shaxsiy tipi uchun xususan ishlab chiqilgan ushbu uch strategiyani ko‘rib chiqamiz.
1-strategiya: Qabul qilish uchun ichki bo‘shliq yarating
Siz INFP sifatida tabiatan fikrchan va ichki dunyosi boy insonsiz, lekin ba’zida o‘zingizni qanday his qilayotganingizni anglab ulgurmasdan turib, ha deb aytayotgan bo‘lishingiz mumkin. Ammo agar siz avtomatik javob berish refleksini to‘xtata olsangiz-chi? Agar javob berishdan oldin ichki ovozingizni eshitish uchun bo‘sh joy yaratsangiz-chi?
Boshqalarga yoqishga intilishni jilovlash uchun so‘rovlar bilan javoblar orasida ko‘proq vaqt ajrating. Kimdir sizdan nimadir so‘rasa, quyidagi oddiy javoblardan birini sinab ko‘ring:
- “Energiya darajamni tekshiraman va ertaga sizga javob beraman.”
- “Meni yodga olganingiz uchun rahmat! Bu haqda biroz o‘ylab ko‘rishim kerak.”
- “Men sizga [aniq vaqt]gacha javob bersam bo‘ladimi?”
Ushbu qo‘shimcha vaqt davomida o‘zingizni bu so‘rovga nisbatan chinakam qanday his qilayotganingizni, umumiy energiya darajangizni va vaqt jihatdan qancha imkoningiz borligini xotirjamlik bilan fikrlab chiqing.
Odamlarning aksariyati sizga vaqt kerakligiga hurmat bilan yondashishadi. Aslida, ular sizning shoshilinch “ha” javobingiz va unga majburlik bilan amal qilishdan ko‘ra, e’tiborli va o‘ylangan javobingizni yuqoriroq qadrlashadi.
Agar kimdir tahlil qilish uchun ko‘proq vaqt so‘rashingizga salbiy munosabat bildursa-chi? Ularning munosabatiga e’tibor bering. O‘zaro o‘y-fikrlaringizni ko‘rib chiqishingizni qabul qila olmaydigan odam sizning manfaatlaringizni yuragiga yaqin olmagan bo‘lishi mumkin. Esingizda bo‘lsin: sog‘lom munosabatlar ikkala insonning istaklari va ehtiyojlariga joy bo‘lishini ta’minlaydi.
2-strategiya: Aniq fikrga yozish orqali erishing
His-tuyg‘ularingizni xotirjam tekshirib chiqqaningizdan so‘ng, keyingi qiyinchilik ularni ifoda etishda to‘g‘ri so‘zlarni topish bo‘ladi.
Og‘zaki bayon qilish qiyin bo‘lgan chalkash tuyg‘ular va o‘ylar bormi? INFP shaxsiyatiga ega inson sifatida sizda bu tuyg‘ularni yozma tarzda ifoda qilish ancha oson bo‘lishi mumkin. Muhim suhbatlarga – o‘z ehtiyojlaringiz yoki chegaralaringiz haqidagi gaplarga kirishmadan oldin ularni yozib ko‘ring.
Kundaligingizni yoki eslatmalar ilovangizni oching va fikrlaringizni betakror yozing. Nega “yo‘q” degan so‘z sizga og‘ir tushishini, aslida nima demoqchi ekanligingizni yoki ehtiyojlaringizni qanday qilib muloyim, ammo dadil ravishda ifoda etishni yozib ko‘ring. Bu oddiy yozish amali noaniq tuyg‘ularni aniq fikrlarga aylantiradi va siz ularni aytishga tayyor bo‘lganingizda ifoda etishni yengillashtiradi.
3-strategiya: Tasavvuringizdan foydalangan holda kuch toping
Chegarani belgilash yoki ehtiyojni ifodalash zarurati tug‘ilganda, siz birdan eng yomon oqibatlarni, xafa bo‘lishlar, buzilgan munosabatlar yoki noqulay muloqotlarni tasavvur qilib, o‘zingizni og‘ir bosim ostida his qilishingiz mumkin. Ammo INFPlar kabi kuchli tasavvurga ega bo‘lgan insonlar o‘z tasavvurini foydali yo‘nalishda qo‘llasa-chi?
Fikringizni eng yomon ssenariylarga burishdan ko‘ra, quyidagi ijobiy qarashni sinab ko‘ring:
- Siz yaxshi ko‘rgan yaqin bir do‘stingiz xuddi shunday holatda bo‘lgan deb tasavvur qiling. Unga qanday maslahat bergan bo‘lardingiz?
- Ikkala tomon ham eshitilgan va tushunilgan ijobiy muloqotni ko‘z oldingizga keltiring.
- Rostgo‘ylik munosabatni mustahkamlab, qanday ijobiy natijalarga olib kelganini eslang va bu xotirani yodingizda tuting.
Sizning kuchli tasavvuringiz qo‘rquvlaringizni avj oldirish emas, balki sizga ishonch bag‘ishlash uchun xizmat qilishi mumkin. U sizni to‘xtatish emas, balki oldinga yetaklashi kerak bo‘lgan ichki kuchdir.
Yuqoridagi strategiyalarni sinab ko‘rishda kichik qadamlardan boshlang va asta-sekin murakkabroq vazifalarga o‘ting. Har bir sodir etilgan qadam – o‘z ehtiyojlaringizni hurmat qilish sari muhim yutuqdir.
So‘nggi so‘z
Shuni yodda tutingki, boshqalarga yoqishga intilish odatidan voz kechish sizning mehribon tabiatingizdan voz kechishingizni anglatmaydi. Bu g‘amxo‘rlik va chinakamlik yonma-yon bo‘lishi uchun joy ochish demakdir. Empatiyangiz va chegaralaringizga hurmat ko‘rsatganingizda esa, siz yanada chuqurroq, haqiqiy bog‘lanishlar barpo etasiz – INFP qalbingiz orzu qiladigan ayni narsa.
Qo‘shimcha o‘qishlar
- “Shaxsiyat va boshqalarga yoqishga intilish” mavzusidagi turkum maqolalarimiz orqali turli shaxsiy tiplarda bu odatdan qanday voz kechish mumkinligini o‘rganing.
- INFP sifatida o‘zingizni qanday kechirish mumkin: o‘zini tanqid qilishdan o‘ziga rahm qilishgacha
- Vositachilar (INFP) va ichki mulohaza: O'z ichki uyg‘unligingizni topish
- INFP shaxsiyatlarida yolg‘izlikning uch o‘lchovi
- O‘zingiz haqida ko‘proq narsa bilmoqchimisiz? Premium Hisobotni oling va INFP shaxsiyatingizdagi 12 ta qo‘shimcha muhim xususiyatni kashf eting. O‘zingizni va boshqalar bilan qanday munosabatda bo‘lishingizni yanada yaxshi tushuning.