Vaqtingiz cheklangan, shuning uchun uni oʻzganing hayotini yashashga sovurmang.

Qoʻmondonlar (ENTJ) – tugʻma yetakchilardir. Bunday shaxsiyat turiga ega odamlar xarizma va ishonch bilan siylangan boʻlib, olomonni umumiy maqsad atrofida birlashtira oladi. Shu oʻrinda, qoʻmondonlar oʻz oldiga qoʻygan maqsadlarga erishishda oʻz gʻayrati, qatʼiyligi va oʻtkir zehnidan foydalanishi sababli, shafqatsiz ratsionallik bilan ajralib turadi. Ehtimol, ular dunyoning katta qismini tashkil qiluvchi tortinchoq va nozik shaxslarning ustidan toʻliq hukmronlik qilmasligi uchun aholining atigi uch foizini tashkil qilishi ham maʼquldir, lekin biz har kuni odatdagidek qabul qiladigan koʻplab korxonalar va muassasalarni tashkil qilgani uchun qoʻmondonlarga minnatdorchilik bildirishimiz kerak.

Buyuklikka intilish

Qoʻmondonlar faqat katta yoki kichik boʻlgan yaxshi sinovlarni yoqtiradi. Ular yetarli vaqt va resurslar mavjud boʻlsa, har qaysi maqsadga erishish mumkinligiga qatʼiy ishonadi. Bu fazilat shaxsiyatning qoʻmondon turiga ega odamlarni uddaburon tadbirkor qiladi, ulardagi strategik fikrlash hamda rejalarining har bir bosqichini qatʼiy va aniq bajarish orqali uzoq muddatli moʻljalni eʼtiborda ushlab turish qobiliyati esa ularni kuchli biznes yetakchisiga aylantiradi. Bu qatʼiyat koʻp hollarda oʻz-oʻzidan amalga oshuvchi bashoratga aylanadi, chunki boshqalar taslim boʻlib, qaytib ketadigan joyda qoʻmondonlar oʻz maqsadiga metin iroda bilan intiladi. Ularning ekstravert (E) tabiati esa boshqalarni oʻziga chorlab, ularni ham aql bovar qilmas natija sari yetaklaydi.

Muzokaralarda, bu xoh bu korporativ muhit, xoh avtomobil sotib olish boʻlsin, qoʻmondonlar hukmli, shafqatsiz va murosasiz boʻladi. Buning sababi, ular sovuqqon yoki shafqatsizligi bilan emas, koʻproq qoʻmondon shaxslarning bu muhitdagi ziddiyatlar, aqllar jangi va tortishuvlardan chin dildan zavqlanishi bilan izohlanadi. Bunday vaziyatni qarama-qarshi tomon eplay olmasligi, qoʻmondonlarning bosh tamoyili – gʻalabani qoʻldan boy bermaslik uchun sabab boʻla olmaydi.

Qoʻmondonlarning hurmatiga sazovor odamlar – ularga aqlan qarshi tura oladigan, ulardek aniqlik va puxtalik bilan harakat qila oladigan kishilardir. Qoʻmondonlar boshqalarning isteʼdodini kashf qila olishi, jamoa tuzishga boʻlgan intilishida yordam beradi (chunki hech kim, qanchalik zoʻr boʻlmasin, hamma ishni yolgʻiz oʻzi qila olmaydi) va ularni ortiqcha takabburlik va koʻngilchanlikdan himoyalaydi. Shu qatorda, ular boshqalarning muvaffaqiyatsizligini shafqatsiz loqaydlik bilan payqaydi va bu qoʻmondonlar uchun chinakam muammolarni keltirib chiqaradi.

Arzirli qiyinchilik

Hissiy ifoda tahlilchining kuchli tomoni emas, ammo qoʻmondonlarning his-tuygʻulardan uzoqligi koʻproq sezilib turadi va odamlarning keng davrasida bevosita seziladi. Ayniqsa kasbiy muhitda qoʻmondonlarning fikricha, samarasiz, qobiliyatsiz yoki dangasa deb hisoblagan shaxslarning his-tuygʻulari shunchaki yakson qilib tashlanadi. Qoʻmondon shaxsiyat turiga ega odamlar uchun hissiyotlarni namoyon qilish – zaiflikni namoyon qilishdir, bunday yondashuv bilan esa dushman orttirish hech gap emas. Qoʻmondonlar faqat oʻz maqsadiga erishish uchun xizmat qiladigan emas, balki ajablanarlisi, ular uchun muhim boʻlgan oʻz-oʻziga tan berish va fikr-mulohaza olish mumkin boʻlgan ishchan jamoaga mutlaq bogʻliq ekanini yodda tutishi maʼqul.

Qoʻmondonlar haqiqiy joʻraboshilar boʻlib, hayotdan ham koʻproq boʻlish obrazini quradi va aslida shunday boʻlib chiqadi ham. Ular shuni yodda tutishi kerakki, ularning nufuzi nafaqat oʻz xatti-harakatlariga, balki ularni qoʻllab-quvvatlovchi jamoaning xatti-harakatlariga quriladi va bunda jamoaning hissasi, isteʼdodi, ehtiyojlari va ayniqsa, hissiy nuqtayi nazardan ularning qoʻllab-quvvatlash tarmogʻiga tan berish muhim ahamiyat kasb etadi. Agar qoʻmondonlar "ishing bitguncha eshakni togʻa deysan" qabilida ish tutishni qabul qilishi kerak boʻlsa va oʻzining kuchli tomonlariga hissiy jihatdan sogʻlom eʼtibor qoʻsha olsa, chuqur va qoniqarli munosabatlar hamda uddalash mumkin boʻlgan barcha murakkab gʻalabalar bilan siylanadi.