Hayot yo dadil sarguzasht, yoxud mutlaq hech vaqo.

Tadbirkorlar (ESTP) har doim yon-atroflariga taʼsir oʻtkazadi. Ularni ziyofatda payqashning eng yaxshi usuli bu – ular bir davradan boshqa davraga oʻtayotganida ular atrofida toʻplangan odamlarning aylanma girdobi paydo boʻlishidir. Biroz qoʻpol va yuzaki hazilkash tadbirkorlar diqqat markazida boʻlishni yaxshi koʻradi. Agar sahnaga tomoshabinlar taklif qilinsa, tadbirkorlar birinchi boʻlib chiqib oladi yoki uyatchan doʻstlarini chorlaydi.

Nazariya, mavhum tushunchalar hamda global muammolar va ularning oqibatlari haqidagi munozaralar tadbirkorlarning diqqatini uzoq vaqt ushlab turmaydi. Tadbirkorlar oʻz suhbatlarini serquvvat va sogʻlom aql bilan olib boradi, lekin ular bor narsalar haqida gapirishni yaxshi koʻradi yoki undan yaxshisi, shunchaki turib, shu ishni qiladi. Tadbirkorlar ehtiyotkor usullar va variantlarni tayyorlab, qoʻl qovushtirib oʻtirmasdan, shartta sakrab, xatolarni yoʻl-yoʻlakay tuzatib ketadi.

Darhol shoʻngʻish

Tadbirkorlar – tavakkalchilik xulq-atvorini hayot tarziga aylantiruvchi shaxs turidir. Ular lahza bilan yashaydi va darrov ishga shoʻngʻiydi, shu tariqa ular doim quyunning markazida turadi. Tadbirkor shaxsiyat turiga ega odamlar dramatizm, ehtiros va zavqdan huzurlanadi, chunki bu ularga hayajonli onlar uchun emas, balki mantiqiy ongni qoʻzgʻatib yuborish uchun xizmat qiladi. Ular oqilona ragʻbatlantirishga reaksiya qaytarish davomida mavjud va bevosita voqelikka asoslangan favqulodda qarorlar qabul qilishga majbur boʻladi.

Bu maktab va boshqa yuqori darajada tashkillangan muhitlarni tadbirkorlar uchun murakkab qiladi. Bu albatta ular aqlli emasligi va yaxshi natijalarga erisha olishi uchun emas, shunchaki rasmiy taʼlimning tartibli va maʼruzali uslubi tadbirkorlarga xush keladigan amaliyotda oʻrganishdan uzoq hisoblanadi. Bu jarayonni maqsadga erishishdagi zarur vosita va yanada qiziqarli imkoniyatlar yaratadigan poydevor sifatida qabul qilish ulardan katta yetuklikni talab qiladi.

Yana bir qiyin jihat shundaki, tadbirkorlar boshqalarnikidan koʻra oʻz axloqiy chegaralariga murojaat qilishni mantiqiyroq deb hisoblaydi. Qoidalar buzish uchun yaratilgan. Buni maktab oʻqituvchilari yoki korporativ rahbarlarning hammasi ham tushuna olmasligi, tadbirkor shaxsiyat turiga ega odamlarga maʼlum bir yorliqni olib keladi. Agar tadbirkorlar muammolarni kamaytirish, kuchni oqilona sarflash va zerikarli narsalarga diqqat qaratishni oʻrgansa, ular boshqalar bas kelishi qiyin boʻlgan kuchga aylanadi.

Kamroq yurilgan soʻqmoq

Ehtimol, shaxsiyat turlari orasida eng sezgir va tiniq koʻra olish qobiliyatiga ega boʻlgan tadbirkorlar kichik oʻzgarishlarni seza oladigan noyob mahoratga egasi hisoblanadi. Bu xoh yuz ifodasining oʻzgarishi, yangi kiyim uslubi yoki odatdan voz kechish boʻlsin – koʻpchilik odamlar umuman birorta aniq narsani topa olishga muvaffaq boʻlishi dargumon boʻlgan joylarda, bu shaxsiyat turiga ega odamlar yashirin fikrlar va sabablarni darhol ilgʻay oladi. Tadbirkorlar bu kuzatuvlardan darhol foydalanib, oʻzgarishlarni nazarda tutgan holda boshqalarning hissiyotlariga qaramay savollar bera boshlaydi. Bunda tadbirkorlar hamma ham oʻz sirlari va qarorlari atrofga yoyilishini xohlamasligini yodda tutishi kerak.

Agar tadbirkorlar ehtiyotkor boʻlmasa, ular shu holatda uzoq qolishi, haddan tashqari chuqur kirib ketishi va dili sezgirroq odamlarga nisbatan qoʻpollik qilib qoʻyishi yoki oʻz salomatligi va xavfsizligi haqida gʻamxoʻrlik qilishni unutib qoʻyishi mumkin. Tadbirkorlar aholining atigi toʻrt foizini tashkil qilishi raqobat va keskinlikni saqlab turish uchun yetarli, tizimli xatarni keltirib chiqarish uchun esa kam hisoblanadi.

Tadbirkorlar ehtiros va energiyaga hamda unga qoʻshimcha tarqoq, ammo hamon ratsional aql sohibilaridir. Ilhomlantiruvchi, ishonchli va serjilo tadbirkorlar guruhning shubhasiz yetakchilari boʻlib, hammani hayot va hayajon olib keluvchi nomaʼlum yoʻlga tortadi. Tadbirkorlarning asl vazifasi esa bu fazilatlarni konstruktiv va foydali maqsadga aylantirishdir.