Men boshqacha hayot kechirishni istardim. Men har kuni aynan bir joyga borishni, bir xil odamlarni koʻrishni va bir xil ishni qilishni istamasdim. Men qiziqarli sinovlarni istardim.

Virtuozlar (ISTP) dunyoga teginib, uni xolis ratsionallik va joʻshqin qiziqish bilan oʻrganuvchi, uni qoʻllari va koʻzlari bilan kashf qilishni yaxshi koʻruvchi odamlardir. Bunday shaxsiyat turiga ega odamlar loyihadan loyihaga koʻchib oʻtadigan, zavqlanish uchun foydali va foydasiz narsalar quradigan va yoʻl-yoʻlakay atrofdagi olamni oʻrganib ketadigan tugʻma ijodkor shaxslardir. Virtuozlar koʻpincha mexanik va muhandislar boʻlib, qoʻllarini kir qilishdan, narsalarni qismlarga ajratib, uni avvalgidan yanada yaxshiroq yigʻishdan kattaroq quvonch topmaydi.

Virtuozlar ijod qilish, muammolarni bartaraf qilish, sinash va xato qilish hamda oʻz qoʻllari orqali gʻoyalarni oʻrganadi. Ularning loyihalariga boshqa odamlar qiziqishini yaxshi koʻradi va baʼzida ularning makonlariga begonalar kirishiga ham qarshi emas. Oʻz oʻrnida, bu odamlar virtuozlarning tamoyillari va erkinligiga rahna solmaslikka va virtuozlarning javoban qiziqishlari paydo boʻlishiga tayyor boʻlishi kerak.

Virtuozlarga, ayniqsa, yaqinlariga qoʻl uzatish va oʻz tajribalari bilan oʻrtoqlashish yoqadi va bunday odamlar aholining atigi besh foizini tashkil qilgani bois juda kam uchrashi achinarlidir. Ayniqsa, virtuoz ayollar kamdan-kam uchraydigan boʻlib, ularga jamiyat kutayotgan odatiy gender rollar yaxshi tushmasligi mumkin – ularga yoshligidanoq shumtakadek qaraladi.

Ajralib turishga jurʼat qilish

Virtuozlarning mexanikaga boʻlgan mayli ularni bir qarashda sodda qilib koʻrsatishi mumkin boʻlsa-da, ular aslida juda jumboqli boʻladi. Doʻstona, lekin juda yopiq, xotirjam, lekin joʻshqin, oʻta qiziquvchan, lekin rasmiy taʼlimga diqqatini qarata olmaydigan virtuozlarning xatti-harakatlarini ularning doʻstlari va yaqinlari ham bashorat qilolmaydi. Virtuozlar bir muncha vaqt juda sodiq va barqaror boʻlib koʻrinishi mumkin,biroq ular oʻz manfaatlarini yangi dadil yoʻnalishlarga qaratib, ogohlantirmasdan portlaydigan impulsiv energiya zaxirasini yaratishga moyil boʻladi.

Virtuozlarning qarorlari amaliy realizm tuygʻusidan kelib chiqqan boʻlib, ularning asosida virtuozlarning koʻplab jumboqli xususiyatlarini izohlashga yordam beradigan kuchli bevosita adolat tuygʻusi va “boshqalardek qil” munosabati yotadi. Virtuozlar haddan tashqari ehtiyotkor boʻlish va birovning oyogʻini bosib olishdan saqlanish oʻrniga juda chuqur kirib ketadi hamda xuddi shunday qasosni u xoh yaxshi, xoh yomon boʻlsin, halol oʻyin sifatida qabul qiladi.

Virtuozlar duch kelishi mumkin boʻlgan eng katta muammo shundaki, ular koʻpincha oʻzining beparvo feʼlini tabiiy va boshqalarniki bilan bir xil deb hisoblab, juda tez chora koʻrib qoʻyadi. Ular birinchi boʻlib beadab hazil qiladi, birovning ishiga haddan tashqari aralashadi, qoʻpollik qiladi va oʻynashadi yoki boshqa qiziqarliroq narsa paydo boʻlib qolgani sababli, toʻsatdan oʻz rejalarini oʻzgartiradi.

Qoidalarni pisand qilmaslik

Virtuozlar boshqa shaxsiyat turlari qoidalar va maqbul xatti-harakatlarga qaraganda ancha qatʼiyroq chegaralarga egaligini bilib oladi: ular beadab hazillarni eshitishni xohlamaydi va bunday hazillarga javob qaytarmaydi, hatto boshqa taraf xohlasa ham jinnilik qilishga intilmaydi. Agar vaziyat hissiy jihatdan portlay deb turgan boʻlsa, bu chegaralarni buzish juda katta noxush oqibatlarni keltirib chiqarishi mumkin.

Virtuozlar hissiyotlarni bashorat qilishda qiynaladi, biroq oʻz oʻrnida virtuozlarning his-tuygʻulari va maqsadlarini aniqlash qanchalik qiyinligini hisobga olsak, bu jihatni adolatli deb hisoblasak boʻladi. Biroq ularning munosabatlarini empatiya orqali emas, balki oʻz xatti-harakatlari orqali oʻrganishga moyilligi baʼzi juda yoqimsiz vaziyatlarga olib kelishi mumkin. Shaxsiyatning virtuoz xarakteriga ega odamlar chegaralar va cheklovlarni koʻtara olmaydi va zarur hollarda chegaradan tashqariga chiqib, erkin harakatlanishni afzal koʻradi.

Virtuozlar ularning uslubi va bashorat qilib boʻlmaydigan feʼlini tushunuvchi yaxshi doʻstlar bilan ishlashga imkon beradigan muhitni topib, ijodiy qobiliyati, hazilkashligi hamda amaliy yechimlar va buyumlar yaratishga qaratilgan amaliy yondashuvni uygʻunlashtirish orqali ular foydali va foydasiz narsalarni yaratish hamda bu narsalarga chetdan boqish quvonchini beruvchi koʻp yillik baxtli onlarni qoʻlga kiritadi.